No.6428/2020-2021

Aizawl, the 2nd November 2020: Vawiin (Dt 02.11.2020) khan Pi Lalbiaksangi Home Secretary chuan Vairengte khuaa  Pu Intyaz Ali, Lailapur khawmi a thihna chungchangah Commisioner & Secretary, Home, Assam chu thil awmzia hrilhin in lehkha a thawn bakah Telephone hmangin a bia a. He an inbiaknaah hian Pu Intyaz Ali thihna avanga state pahnih te inkarah boruak tha lo a lo thlen loh na tura thil tul te sawi a ni.

Vawiin tlai vek khan Pi Lalbiaksangi, Secretary, Home chuan Assam Home Commissioner & Secretary chu WT Message a thawn leh tawh a. Hetah hian Mizoram House, Silchar chhunga Mizoram mi tangkhang mek te, Tuialhthei leh  LPG phur lirthei hun mek te, Silchar, Karimganj khawpuite, Cachar, Hailakandi leh Karimganj District chhung  bakah Assam state chhunga Mizo awm mek te chunga tharum thawhna a thlen loh nan venhimna uluk zawka kalpui turin ngenna siam a ni.