No.693/2021-2022

Aizawl, the 27th May 2021 : Khelo India Centre (KICs) atan Ministry of Youth affairs and Sports,  Government of India chuan Regional Sports & Training Centre, Football Academy,Kolasib District leh Boys Hockey Academy Kawnpui, Kolasib District chu a thlang a, Khelo India Centre(KICs) enkawlna tur sum hi Director, Sports & Youth Services Mizoram chuan Sports Authority of India kaltlangin heng Centre 1 atan cheng nuai sawm ve ve a dawng dawn a ni.

 

Khelo India Centres (KICs) hi Sports Ministry hian India ram State leh UTs hmun hrang hrang 1000 ah a din dawn a. Tun tumah hian Khelo India Centre hi state leh UT 7 te pek an ni a, chung zinga chuan Mizorama hmun hnihah thlan a ni.

 

Sports Minister Pu Robert Romawia Royte hma lakna in District dangah pawh KICs hi neih belh ngei a beiseiawm a, hemi atan hian hmalakna pawh a kal mek a ni. Sports Ministry leh State Sorkar inhne rem taka kal dunin Olympic 2028 -ah chuan Top 10 ni thei ngei turin theihtawp kan chhuah a tul a ni tiin Union Minister, Youth Affairs and Sports changtu chuan a sawi a ni.