Vawiin hian Parliamentary Secretary Pu Lal Thanzara, Mizoram Football Association (MFA) President ni bawk chuan Lawngtlai College Veng-a playground laih mek a tlawh.

Tukin zing 7:30 khan Pu Lal Thanzara hian Lawngtlai College Veng-a football khelmual laih mek hi a tlawh a, Lawngtlai District Football Association (LDFA) hruaitute leh College Veng bialtu MDC Pu H.Chhuanawma ten Parliamentary Secretary hi anlo dawng sawng a. Tun dinhmunah Khelmual hi duhthusam a la nih loh vang te, a chhaklam ko chu min mai thei a nih vang te in infiamna tlak a siam an duh thu Parliamentary Secretary hnehah hian an lo thlen a; Pu Lal Thanzara chuan College Veng khelmual tana mamawh hmasa, leivung paihfai hna chu District thuneitu lam ten lo bawhzui se a ti a, khelmual chu ngun taka fangin leivung paihna tur hmun te pawh a en nghal a ni. Pu Lal Thanzara hi Pu J.Hmingthanmawia, Lawngtlai Bawrhsap, Pu C.Ngunlianchunga Chief Executive member LADC bak ah mipawimawh thahnem takin an tawiawm a ni.