Vawiin khan Mizoram Journalist Welfare Society Governing Board (MJWSGB) chu an Chairman Pu B. Lalthanliana, Secretary, I &PR Office-ah an thukhawm.

MJWSGB chuan MJA member-te leh an chhungte dam lo enkawlna man leh MJA member thi te ralna tur sum pek chhuah dan tur an rel.

MJA member-te an boralin Rs. 1,50,000/- in ral thin a ni a, an mahni an dam loh a, Doctor leh MJWSGB in pek ngei tur ni a an ngaih chin chu Rs. 1,00,000/- chin in puihna siam theih a nih laiin, an chhungte (dependent) an dam lohin Rs. 80,000/- thleng puihna an pe thin a ni.

MJWSGB ah hian Chairman Pu B. Lalthanliana, Secretary, I&PR niin Pi Lalnithangi, Director, I&PR chu Member Secretary a ni a, member dang te chu : Pu Chalrosanga, MLA, Pu Vanlalrema Vantawl, President, MJA General Hqr., Pu Zonunsanga Khiangte, Vice President, MJA, Pu R. Lalhmangaihzuala, Treasurer, MJA, Pi H. Vanlalchuangi, Deputy Secretary, Finance, Dr. P.C. Lalramenga (Medical aiawh) leh Pu David L. Thangliana, Joint Director, I&PR leh Member and Executive Officer te an ni.