3998/2024-2025

Dated: Mamit the 28th of January, 2025 : Vawiin khan Mizoram Journalists' Association, Mamit District-te chuan Annual Conference Vawi -17 na chu vawiin khan MJA Press Club-ah hman a ni a, Pi Biaknungi, DIPRO chuan Khual lian niin a hmanpui.

Pi Biaknungi chuan MJA, Mamit District, Annual Conference vawi 17 na hmangtute duhsakna hlanin, thudik leh ziktluak puanchhuah kawngah accredited journalist-te in pawimawh a, chanchinbu mi kan nihna angin mipui rilru sukthlekah pawimawhna tam tak in nei a, a tha zawnga mipuite rilru hruai turte, sawrkar tha ti chaka khalh ngilna kawngah kan thuziak leh chhuahte'n awmze thuk tak a nei thei a ni a ti. Sap thufingin a sawi angin “Pen is mightier than the sword” tih hi journalist hnathawhah hian a lang chiang a, kan thu ziahin nghawng a neih thui theih thu a sawiin hmasawn tum zel a hnathawk turin a fuih. Pi Biaknungi chuan khawvel changkanna mil zela kal tura mahni theuh inzir thar zel tur leh hriatnate tipung thar zel turin kalkhawmte a chah a.

Pu Lalhuma, President MJA, Mamit District pawhin thusawiin khawvel changkanna-in a ken tel zingah Print Media chanchinbu-in tunhma angin ngaihhlut a hlawh tawk loh thu a sawi a, hei hi kan District mai nilo, khawvel pum huap pawha chanchinbu mite harsatna tawh a nih thu a sawi, chutihrual erawh chuan chanchinbu mite kan nih anga kan thuziak leh sawite hi mite'n an la ngaichang a, kan hriatna leh finna te pawh tihpung zel a, taimak chhuah leh zual turin members-te a chah a ni.

He hun hi Pu Darthanzauva, Vice President chuan kaihruaiin, chawhma lamah MJA Press Club-ah kumthar rorelna an lo nei tawh bawk a ni.