No.6275/2020-2021
Mizoram Sawrkar, Planning & Programme Implementation Department, Mizoram Entrepreneurship Monitoring Committee (MEDMOC) chuan Indian Institute of Management, Kolkota nen a tang kawpin Mizoram Kailawn 2020 – Accelerator a chhawp chhuak ta e.
Entrepreneur tha, thluak themthiam, mipui mamawh phuhru tur zawnga ruahmanna siama eizawnna leh sumdawnna bul tan tawh (Startup) leh hun engemaw chen sumdawnna lo kalpui tawh sum leh pai pawh la lut te zingah hmasawn zel tura theihtawp a hun pum a thawk te tana intuaihriamna hun leh hmasawn zel thei tura zirbingna a tel duh te tana ruahman a ni.
Hetah hian Mizoram chhunga eizawnna leh sumdawnna kalpui mek te tupawh tel theih a ni. Tel turin tawng dang thiam kher a ngai lova. Lehlin ngai a awm anih pawhin lehlin sak zel thei tur an awm dawn a ni. Indian Institute of Management Kolkota Innovation Park (IIMCIP) atanga mithiam te leh hmun hrang hranga entrepreneur hlawhting ten thlanchhuah bik mi 30 tan intuaihriamna hun Growth Certification Cohort thlaruk chhung zet an hmanpui anga. Chumi atang chuan a tha chungchuang bik 10 thlang chhuak lehin thlaruk dang zirbingna hun Growth Mentoring Cohort buatsaih leh tur a ni ang. Sumdawnna lam hawi zirna hmun tha chungchuanga thawk leh a tak a kalpui mek sumdawnna lama mithiam chungchang ten intuaihriamna hun leh zirbingna hun an hmanpui dawn avangin ram tana hmasawnna kawnga hlawk taka thawk thei tura inbuatsaihna a ni ang.
Entrepreneurship Development Centre website link ah hian hriat tur tul engkim dah a ni a. https://edc.mizoram.gov.in/page/mizoram-kailawn-accelerator-programme. IIMCIP Website ah hian Apply nghal mai theih a ni thung http://contest.iimcip.org/apply-now/mizoram-kailawn-accelerator.
