Vawiin khan Chhimveng YMA Hall Mamit-ah Business Plan leh Entrepreneurship Submit New Economic Development Policy (NEDP) hnuaia hmalakna peng pakhat atana inbuatsaihna leh Mizoram Kailawn-a tel ve thei tura kawng in kawhhmuhna neih a ni. 

Mizoram Kailawn Awareness Campaign ah hian Dr Lalchhuanmawia Entrepreneurship Development Scheme (EDS)  Master Trainer chuan zirtirna pe in Entrepreneurship awmzia leh kalphung hrilhfiahna  a nei a, eizawnna kawngah rilru fim tak pu a, huaisen taka hma la tur leh hlawhchham in ring leh tlanchhe chunga eizawnna kawng zawhte tan hlawhlin a harsat thu a sawi, Mizoramah Thalai lehkhathiam hna hmu lo tam tak kan awm a, hengte tan hian mahni kutke a dinchhuaha eizawnna kawng an siam theih nana EDS hi duanchhuah a nih thu a sawiin,  vawiin a kalklhawm te chu mipuite tana kawng lo sial hmasa  tu ( Pathfinder) ni turin a chah bawk a ni. 

Master trainer hian India ramah hian Micro Small and Medium Enterprise Development (MSMED) Act 2006 hial pawh siam a nihna chhan chu thalai lehkhathiam mahni kutke a an din khawchhuah theih nan a nih thu a tarlang a,  India ramin kan thil siam  ramdanga  kan thawnchhuah atanga  35%  chu he MSME hnuaia siamchhuah a ni a, kan ram GDP ah  17 % chhung luh niin heibakah hian  ramchhunga hnathawk zawng zawngte hi Agriculture sector dawt chiah niin  40% lai kan nih bawk thu a tarlang. He EDS hnuaia mizoram in kan tum ber tur chu Micro Enterprise 25 lakh chin tih changtlun tum a ni a. He Sheme a tan hian kum 2017-2018 chhunga hmalakna a tan cheng nuai 500 dah a nih thu a tarlang bawk. Mizoram chhunga Micro Enterprise lo din tawhte leh dinthar tumte hmalakna atana  zawhna zawt duhte tan  Entrepreneurship Knowledge Centre (EKC) ZIDCO Buildingah leh Centre For Entrepreneurship Skills and Development, Govt Aizawl West College ah te din niin a tul anga hmang theuh tur in kalkhawmte a sawm a ni. 

N.l Lalrinngeti Sangsiama Coordinator Indian Institude of Management Culcutta Innovation Park (IIMCIP) pawhin B-Plan Contest leh E-Summit chungchang zirtirna pein website kaltlanga he contest tel tumte tana inziahluh dan leh www.mizoramkailawn.org website chungchang leh  contest a tel tumte tana inbuatsaih dan hrang hrang kimchang takin kalkhawmte a zirtir a, he B-Plan leh E-Summit ah hian thalai mahni kutkawiha eizawnna kawng zawh duh te tan tel theih vek niin ni 31 Aug 2017 thleng dilna thehluh theih a ni a,  Round 1 Result hi 25 Sept ah puan a ni anga,  Round 2 Result hi  4-10 oct  ah puan leh niin Finals & E Summit hi 10 Oct, 2017 ah neih tura ruahman a nih thu a tarlang.   

Vawiin Awarness Campaign hi Pu R. Vanlalsawta, PD, DRDA, Mamit chuan kaihruaiin Pi Lalzikpuii, SDC, Mamit in lawmthu sawina a nei a, Mamit District chhunga competitiona tel tumte tana rawn theih turin  EDS- MEDMOC leh IIMCIP Ambassador atan N.L Remlalnghaki leh T.V Israel Lalhmangaiha Govt Mamit College te chu ruat an ni. 

He hunah hian Mamit khawpui chhunga Heads Of Offices,  College zirlai , DIET zirlai te, Self Health Group, MJA Mamit  leh Entrepreneursip lama tuimi te leh he Competition-a tel tum te,  an tel a ni.