No.6636/2020-2021

Vawiin khan UD&PA, MINECO office-ah Mizoram Khawpui Fai Intihsiakna endiktute (panel of experts) vailiamna (flag-off) UD&PA Director Pu H.Lianzela'n hovin an nei.

Vailiamna-ah hian Panel of Experts- Prof. Malsawmliana, Assistant Secretary, CYMA; Dr. Saithantluangi Zote, Information & Public Relations Officer; R.Lalrinfeli, Program Officer,  NGC, MPCB; Lal Rinmawia, Secretary i/c Organization, Mizoram Journalists' Association leh Directorate- Officers leh SBM (U) Team te an tel a ni.

Panel of Experts te hian vawiinah Sairang leh Lengpui an endik tan ang a, naktuk hian Siaha District pan tum a ni a, endik chhung hi December ni 10 thleng awh tura ruahmanna siam a ni.

Faina leh thianghlimna kawnga hmalakna hrang hrang endikna ah hian District Headquarters- Aizawl, Champhai, Hnahthial, Khawzawl, Kolasib, Lawngtlai, Lunglei, Mamit, Saitual, Serchhip, Siaha (11) te Category-I ah awmin khaw dang zawng- Bairabi, Biate, Darlawn, Khawhai, Lengpui, N.Kawnpui, N.Vanlaiphai, Sairang, Thenzawl, Tlabung, Vairengte, Zawlnuam (12) te Category II ah an awm a. Khawpui Fai Ber (Overall Cleanest Town) heng khaw 23 atang hian thlanchhuah a ni bawk ang. Khawpui Fai Intihsiakna result hi Cleanliness Competition neih zawh January ni 26, 2021 (Republic Day)-ah puan a ni ang a. He hunah hian khawpui 23 ten anmahni khua theuh Republic Day lawmnaah Town Level Swacchta Rankings lawmman awmna hun hman tur a ni bawk ang.

Endikna tur tehfung Open Defecation, Open Defecation Plus, Solid Waste Management, Information, Education & Communication leh adangte bakah Response Action to COVID-19 a tel dawn a ni.