Mizoram Larsap Pu Vakkom B. Purushothaman chuan vawiin chawhma dar 11 : 30 a.m. khan Helicopter in Saiha a lo thleng. Circuit House Saiha-ah   C.E.M., M.A.D.C, Saiha Bialtu MLA, D.C. Saiha leh  S.P., Saiha te bakah Head of Department te leh tawmngai pawl hrang hrang hruaitu ten an lo hmuak a, amah lo chawnglawmna pui ber M.A.D.C. Complex , Saiha-ah mipui thahnem takin an lo hmuak bawk a ni.

Mizoram Larsap hmuahna inkhawm hi Pu R.T.Zachono, CEM, MADC chuan a kaihruaia, amah lo chawnglawmna thu sawiin hnam hnufualte leh hnam tlem zawkte dinhmun hrechiang tur leh an harsatna te a hmun ngeia a rawn enfiah chu lawmawm a tih thu a sawi a, Mara ram tan chuan Ni chhinchhiah tlak a ni ati a. Thu sawiin Governor chuan hnam hnufual leh hnam tlem zawkte hi sawrkar chuan a ngaihven renga hmasawnna an neih theih nan theihtawp a chhuah reng a ni, a ti.  India ram State dang te aia hmasawnna ropui tak in neih chu Zirna hi a ni tiin, District Council hrang hrang hruaitu te pawh Aizawl ah ko khawm in  harsatna an tawh hrang te leh an hmachhawp mek te pawh khunkhan taka sawipui bakah an harsatna tawhte chu sutkianpui ngei a tum thu a sawi bawk. Governor hian Tlawmngaipawl hrang hrang hruaitu te, Chanchin thar thehdarhtute leh Department hrang hrang hotute Circuit House Conference Hall Saiha-ah  a kawm nghal a, an mamawh leh harsatna hrang hrang a hnena an thlente chu  theih tawp a lo bawhzui a tiam a ni. Governor hnenah hian Mara Autonomous District Council aiawhin C.E.M. Pu R.T. Zachono chuan Darkhuang a present a ni.

Governor hian naktuk Dt 25.2.2014 hian Salvation Army ten Hnuchham In”Orphanage Boys’ Home” an siam leh E.C.M. Kohhran ten “Motherless Babies’ Home” an siam hmun te a tlawh dawn bakah Lorrain English School Saiha -ah Primary leh Middle School zirlai naupang te a tlawh nghal anga chawhnu dar 2 :30 ah Tuipui Ferry a tlawh bawk dawn a ni.Tahrik Ni 26.2.2014 zing dar 10 : 00 ah Civil Hospital a tlawh anga dar 11 : 00 ah Zero-a Waiting shed sak thar a hawng anga, Kolodyne lui bula MADC Forest Department te siam Thlaichi Kuitiahna nursery a tlawh bawk ang. Programme a tarlan dan chuan tahrik Ni 27.2.2014 zing dar 9 : 00 ah Lawngtlai panin Saiha a chhuahsan leh dawn a ni.