Vawiin chawhnu dar 1:00 khan ‘Mizoram Legislative Assembly at Work1 tih lehkhabu Assembly Secretariat buatsaih chu Pu R. Romawia, Speaker chuan ama Office Chamber-ah a tlangzarh. He lehkhabu tlangzarhna Inkhawm hi Assembly Secretariat-a Secretary Pu Ngurthanzuala’n kaihruaiin, Mizoram Legislative Assembly din tirh, kum 1972 atanga December, 2002 thlenga Assembly hrtathawh hrang hrang, hmasawnna dan leh thanchhoh dan te ziahna lehkhabu 30 years of Mizoram Legislative Assembly’ chu kum 2003 khan published alo nih tawh thu leh, he lehkhabu chhuah hnu-a thil chhinchhiah tlak tak tak kum 2005-a India ram President Dr. APJ Abdul Kalam-in Mizoram a rawn tlawha Special Assembly koh tuma President thusawi kimchang tarlanna bakah, December 08, 2008 thleng record pawimawh hrang hrang tarlanna anih thu report a pe a.

Pu Romawia chuan Ram kalphung leh Sorkar kalphunga thuneihna tawp hmang thei lungthu pathum anga Executive, Judiciary leh Legislature an awm thu tarlangin, heng zinga Legislature pawimawhna bik hi chiang takin a sawi a, Computerisation of Assembly Secretariat kalpui mek anih thu tarlangin Speaker chuan hei hi zawhfel anih hunah chuan Session Proceeding zawng zawng leh record pawimawh zawng zawng te Computerised vek a ni ang a, nun lo la kal zela Research Scholar te tan pawh a la tangkai hie dawn a ni a ti.
Pu John Rotluangliana, Deputy Speaker pawhin thu sawiin he lehkhabu hi tunah a hlutna lang mai lo manse nun lo la kal leh zel turah nasa takin a hlu dawn a, record tha vawnna lehkhabu siamchhuah hi Department dang tan pawh entawn tlak tak anih thu tarlangin, ‘Literature lama hmasawnna entirna a ni’ a ti a. Hetiang lehkhabu rotling tak published thei tura Officers leh Staffs thawhrimna chu fakawm a tih thu a tar lang bawk.