1041/2023-2024
Aizawl, the 5th July 2023: Mizoram Legislative Assembly Secretariat in hnalak chungchangah a hnuaia tarlan ang hian thuchhuah a siam.
Tun hnaia Mizoram Legislative Assembly Secretariat a hna hrang hrang- Assistant, Translator, UDC leh LDC laknaa sawi neuh neuh a awm avangin thil sawi fiah ngai awma hriat a ni a.
1. A hmasa berah hen'g hna lakte hi The Mizoram Legislative Assembly Secretariat (Recruitment and Conditions of Service) Rules, 1995 as amended dan ang thlapa lak a ni a, Covid hrileng vangin hun eng emaw chen chu hna thar lak lohin a awm a. Chutih rualin pension-a chhuak an awm ve reng bakah hina hrang hrangte a kal ngaiin a kal reng tho si a, thawktu indaih lohna a nasa hle a ni.
2. He'ng kan sawi tak hna lak nan hian dan angin chanchinbu viz. Mizo Aw leh Dingdi-ahte ni 25&26.1.2023-ah advertisement chhuah a ni a, form thehluh hun tawp atan hian ni 24.2.2023 bituk a ni. LDC bik hi a tirah post 8 zet a ruah tawh laiin sum inrenchemna avangin post 5 lak tura tih a ni a, amaherawhehu sum dinhmun a lo ziaawm hnu leh a bikin Assembly Committee hrang hrangte an active chhoh tak avangin post 8 hi lak zawk ni se tia rel leh a ni a. Chumi ang chuan Corrigendum siam nghalin ni 22.2.2023 khan Mizo Aw leh Dingdi chanchinbuahte advertisement chhuah leh a ni a. Application form theh luh hun tawp hi ni 20.3.2023 thleng pawhsei a ni a, chumi zulzui chuan application pawh eng emaw zat dawn leh a ni. Post 8 lakna tur atana application thehluh hun tawp chhuah a tlai tak deuh nachhan hi Budget Session lai a nih bakah Session zawhah Session kaihhnawih hna tam tak a awm avangin chulamah chuan ni eng emaw zat kan inburbun zui a, hei vang hian advertisement chhuah leh hi a tlai ta hret a ni. Heti chung hian mi 2369 laiin application an rawn theh lut a, extension chhuah tlai leh hian hna diltu zat lamah nghawng a nei lo niin a lang. Hna hrang hrangah hetiang hian form la chhuak zat leh exam zo(complete) an awm:- Translator: 827 -159, Assistant: 2540-453, U.D.C: 1610-310, L.D.C: 3055-712.
3. Mizoram Legislative Assembly Secretariat hi Indian Constitution Article 187 hnuaiah Secretarial Staff hrang nei tura tih a ni a, Recruitment Rules leh Service Condition pawh he Article hnuai veka thuneihna nei a nih angin, tha a tih angin a kalpui thin.
4. Mizoram Legislative Assembly Secretariat-a hna hrang hrang lak chungchanga pawl thenkhatin hma an la hi thil tha duhna a nih avangin lawmawm kan ti a. Nimahsela, an duh dan anga appointment hi cancel leh a nih chuan dan ang thlapa lak an nih avangin Court-ah kal se Secretariat lam hian kan hneh dawn lo reng reng a. Hei vang hian cancel leh chi-ah kan ngai lo a ni.
5. Exam a marks leh mahni answer paper-te pawh a duh tan RTI hmanga dil theih reng a ni.
