No.975/2021-2022
Aizawl, 15th June, 2021 : Health & Family Welfare Minister Dr. R. Lalthangliana chuan nizan khan COVID-19 hripui darh zau tur venna atana inkharkhipna kalpui mek pawhsei a nih chungchangah Mizoram mipuite hnena ngenna leh thuchah a hnuaia tarlan ang hian lehkha ziakin a tichhuak
Hripui leng vangin thla hnih zet kan inkharkhip ta, a hrehawmin kan mangang tlang tawh hle ang tih a rinawm. Amaherawhchu, nunna chhanhim hi kan ngaihpawimawh ber a ni lo thei si lova, vawiin atangin hreh tak chungin lockdown kan han tan leh a ni a.
Lockdown hi kan tlin reng dawn si lo, he kan in khuahkhirh chhung hian chhel taka tuar hram hramin fimkhur taka khawsa turin i insangmar thar leh ang u. Theih tawp kan chhuah tlanna leh thu kan awihna avangin kan dinhmun pawhin ziaawm lam a pan zel turah beisei ila. COVID Appropriate Behavior, heng -
- Mask vuahthat
- kutfai taka silngunleh
- midanghnaihlovaawm
te hi mitinin uluk tak leh khauh taka kan zawm tlan chuan nasa takin awmzia a neih ngei ka ring a ni.
- Mahni inchhung khurah uar leh zuala fimkhurin colony a ni emaw, compound khat a ni emaw, chhungkhat laina leh thenrual thate intlawh pawh rih lo ang u.
- Dawr hmun leh punkhawm theihna hmun, sa leh chawhmeh dang leh mamawh leinaah tih tak zeta fimkhurin, zuk leh hmuam intheh leh chawhmeh insuah thleng insum rih ang u.
- Thil inban tawm leh mi khawih hnukhawih atangte, khuh leh tawng per te atanga COVID-19 hi awlsam taka kai theih a nih avangin heng lakah hian fihlim tur in mimal tinin mawhphurhna kan nei a ni.
Hripui laka him tura kan tihtur kan hre tlang vek tawh a, hemi tur hian mi zawng zawngin mawhphurhna kan nei tih ka chah nawn che u a, rei lote kan tan tlana chhel taka kan tawrh hram hram hian rei tak kan hlawkpui dawn zawk a ni tih hriain theihtawp i chhuah tlang leh theuh ang u.
In zavaiin duhsakna ka hlan che u a, kan dam khawchhuah nan mahni hmun theuhah i fimkhur tlang theuh ila, thinlungleh tih takzetin bang lovin Pathian hnenah i tawngtai zel ang u.
