1325/2023-2025
Nimin July ni 31 tlai khan Mizoram MP te pahnih Pu C.Lalrosanga leh Pu K.Vanlalvena te chuan Union Home Secretary Pu Ajay Kumar Bhalla IAS chu a office chamberah kawmin Mizoram tana thil pawimawh te an sawipui a.

MP te chuan Chief Minister Pu Zoramthangan Manipur raltlan Mizorama lo lut te chhawmdawlna tura sum leh pai a lo dil tawh tun thlenga pek la ni lo chu a hmanmawh thlak tawh thu leh a rang thei ang bera tihfel a nih theih nan Home Secretary chu hma la turin an duh thu an thlen a. Aizawl Lammuala Pu Laldenga Cultural Centre sak tur chu Mizoram sawrkarin hna tan thuai a duh thu pawh hrilhin chumi atan chuan Home Ministry in No-Objection certificate pe thuai se an duh thu an sawi bawk a. Pu Bhalla chuan a rang thei ang bera Home Minister lo sawipui a tum a ni.

Mizoram MP te pahnih hian The Forest Conservation Ammendment Bill chu an thlawp lo ve ve a ni.