Mizoram Youth Commission Chairman Pu Joseph Lalhimpuia MLA chuan nimin khan MJA Lunglei te a chenna inah kawmin Press Meet an neihpuia, MYC hmalakna hrang hrang leh chhim lam bik tana ruahmanna an kalpui mek te a hrilh. Pu Joseph Lalhimpuia chuan Mizoram mithiam hmasa te lo chhuahna Lungleiah Mizoram Oxford din thar leh tuma hma an lak mek thu leh Thalaite Khawvel zauh ang aw tiin, Mizoram Youth Commission chuan hma thar la in ke a pen mek a ni, a ti.

 NEET, Crash Course Coaching Mizorama a hmasa atan Alternative Learning System (ALS) nen thawkho in March thla atang khan Lungleiah VSAT hmanga kalpui a nih tawh thu a sawi a, hei bakah hian, School Based Online Coaching NEET, IIT, JEE ah te kalpui tura ruahmanna siam mek a nih thu leh UPSC hnuaia Exam hrang hrang te bakah Sawrkar hnathawwk mekte leh Zirlai ten hna tha zawk leh duhawwm zawk an hmuh theihna turte leh Sipai lamah awlsam zawka an luh theihna turin Coaching chi hrang hrang kalpui tum a ni tiin, heng an ruahmanna te hi a tihlawhtlingtu tur chu thalai te an nih avangin thalai lehkha thiam ten ngaihpawmawhna chang hria in hmang tangkai ngei turin rilru lo buatsaih lawk se a duh thu Pu Joseph Lalhimpuia hian a sawi bawk a ni. Chanchinbumi te a kawmna ah hian MYC Chairman hi Lunglei Addl. D.C Pu Benjamin.Lalzama’n a tawiawm a ni. 

 LUNGLEIA MYC HMALAKNA: 

1. IIT & JEE & NEET Coaching : Mizoram a hmasa ber turin Alternative Learning System (ALS) nena thawk hovin VSAT hmangin NEET Crash Course Online Coaching chu 28.3.2018 khan GHSS Lungieiah tan a ni.

He coaching class a course fee hi Rs 17.700 a ni a, MYC in Rs 15,500/ tumin student in Rs 2,000 an chawi ve a ni. 

2. School based Online Coaching : Mizorama a hmasa ber turin School base online Coaching GHSS Lungiei leh BHSS Serkawn-ah IlT-JEE & NEET coaching hi 2 yrs course kalpui tum a ni. School thuneitute nen pawh inbiak fel a ni tawh a. Kum 1 course fee hi Rs 29.500/anih laiin Zirlaiin Rs 7,000/chiah an chawi dawn a. chhungkaw harsa zual tan installment hnih ah pek tlak theih a ni ang. 

3. SSC /Banking Coaching : Mizoram chhim lam thalaite tan a hmasa ber turin Lunglei-ah Staff Selection Commission hnuaia hna hrang hrang leh Banking Sector hnuaia hnathawh tumte tan thla 4 chhung awh Offline Coaching buatsaih tum a ni a; Zirlai 100 Iak theih tura ruahman a ni. Zirlaiin fee Rs 3,000/an chawi ve ang. 

4. I.A.S Online Coaching : Chhimbial a a vawikhatna atan UPSC hnuaia Civii Service exam turte tan lAS Online Coaching June 2018 hian GHSS Lunglei ah tan tum a ni. Course fee hi mi pakhat tan Rs 75,000 anih laiin Zirlaiin Rs 20.000 a pe ve ang, a bak zawng MYC in a tum sak dawn a ni. lndia rama lAS Coaching Academy tha ber te zinga mi kum 10 chhunga IAS 2815 chherchhuak thei ALS ten coaching pein an Study material tha tak an pe dawn bawk a ni. 

MIZORAM HUAP: 

1. Army Recruitment: Army Pre-Recruitment neih a ni a, Physical leh Medical paltlang mi 100 Written training pek an ni tawh a, hemi atang hian mi 32 chu Assam Regiment tura lak an ni tawh. 

2. lAF Garud Commando: lAF Garud Commando Recruitment Air Force Station, Bhorjar. Guwahati . 17 March, 2017-a neih ah Mizo thalai kal duh apiangte kal man tum sak an ni a, Mi 19 intlar turin tirh an ni a. mi 2000 vel zet atanga mi 94 thlitfim hnu in MYC tirh mi 2 Richard Lalhmingthanga s/o H.Tlanghmingthanga(L), Tlabung, Lungiel Dist. leh Laltluangkima s/o H.Ramengmawia, Darlawng te chuan Physical Test, Written Test. Adaptabillity Test-l & ll leh Dynamic Factor Test an paltlang hnu in Confirmation atan Medical Fitness Test July ni 5 vel a Air force Station. Tezpur a neih tur an nghak mek. 

3. International English Language Testing System IELTS : Britist ram awp (Common Wealth) rama hna thawh tumte tan lELTS pass (7+ hmuh) a ngai a, Mizoram chhunga Nurse (GNM.B.Sc ) zirchhuak kumtin hna hmulo tam tak awm lndia ram pawna hnathawh tumte tan Mizorama a vawikhat nan inbuatsaihna IELTS Coaching Class Dt 12.3.2018 atangin buatsaih a ni a. mi 65 in an zir mek a ni. 

4. Aizawl --Delhi Jet Airways Direct Flight : MYC leh Jet Airways te’n thawhhona tha tak an neih a zarah khualzin te mamawh Aizawl Delhi direct flight Pu Joseph Lalhimpuia Chairman, MYC chuan dt. 26.3.2018 khan a hawng. 

5.NGO leh Kohhran Thaiaite nena thawhhona : NGO leh Kohhran thalaite nen thawhhona tha tak kan nei ta a, Kum 2018 chhung hian NGO leh Kohhran hrang hrang Thalai hruaitu mi 40 vel Mizoram State pawn ah explosure Tour buatsaih a ni dawn. Dt.19-22. April 2018 chhung khan NEI PYD General Conference ah thalaiten zirna kawng an zawhna tur leh eizawnna kawng an zawhna tur inkawhhmuhna leaflet 5000 chuang sem chhuah a ni a. Pu Joseph Lalhimpuia, Chairman, MYC in Conference hi a hmanpui. 

6. Youth Summit : Thalaite eizawnna kawng hrang hrang kawhhmuhna atan Youth Summit & Road Show district tinah buatsaih a ni dawn. 17-18 April 2018 khan Assembly Annexe, Aizawlah bul tan a ni a. Sorkar department 9 leh Private agency 21 ten stall 54 hawngin a chhimtu thalai 6000 chuang an awm. A kharna pui ber . Grand Finale hi 23-24 May 2018 hian Lungleiah nghah tur a ni. Mizoram thalaite hmasawnna tura infuihna leh inzirtirna hun atan te, Skill development lama thalaite hmasawnna tur thil tul hrang hrang inhrilh hriat nan te. zirna leh hnathawhna tur thlenga kawng inkawhhmuh nan tangkai taka hman a ni ang. 

7. Incentive Cash Award : Zirna sang (University) a Gold Medalist, Central sorkar hnuaia Group A post inziak tling te, UPSC exam a tling te midang cho chhuak zel tura cash award pek a ni dawn a. UPSC exam a tiing te Rs 1 lakh dawngin Gold medalist. SSC etc tling te Rs 50,000/zel pek an ni ang. Tunah hian he lawmman dawng thei tura inngai mi 64 in dilna an thehlut tawh a, endik mek a ni. 

8. Youth Achievers' Award: Mizoram thalai te zingah mahni kalna zawna mawhphurhna hlenchhuak tha, ngaihsanawm leh mi dangte tan pawha entawn tlak mi hmingtha Kum 40 hnuailam te zawnchhuah a , chawimawi tum a ni. He award hian Trophy leh pawisa fai Rs.1 Iakh a keng tel ang. 

9.Cabin Crew : Mizorama a vawikhat nan Jet Airways hnuaia Cabin Crew lakna tur training thla 3 chhung buatsaih a ni a. mi 5 lak thar an ni a, Jet Airways Academy Mumbai ah thla 3 training pek an ni anga, chumi hnuah thlawhtir an ni ang. Jet Airways Recruitment hi Chairman ngenna angin August/September 2018 hian MYC office ah neih leh tum a ni.