Mizoram Police chuan social media a Vairengte Gate khar a ni dawn anga thu diklo thehdarh chungchangah a hnuai ami ang hian thuchhuah an siam :
Dt. 1.4.2020 zan lam atang khan Social Media platform Whatsapp group hrang hrangah thu dik lo "VAIRENGTE GATE AN KHAR TAWH DAWN A, ENGKIM ENGKIM REN ANGAI TAN TA. INDIA RAMAH LOCKDOWN AVANGIN SUM A VANG DAWN A, TELEGANA SORKAR LEH MAHARASTRA SORKAR CHUAN SORKAR HNATHAWKTE HLA WH 75 PER CENT IN AN TIHNIAM DAWN. MIZORAM SORKAR PAWHIN A TIHNIAM LOVANG TIH A SAWI THEIH LOH. INRENCHEM LA: (I) TUM KHAT CHAWEI AH CHAWHMEH SIAM TLEM ZIR RAWH. (2) GAS REN RAWH, A HARSA DAWN. (3) ELECTRIC REN RAWH, A MAN A TO DAWN. (4) TUI REN RAWH, SUPPLY A TI.EM DAWN: INBUAL KHAT RAWH. INSUK LOH DAN NGAWT ZIR RAWH. EI TUR BAK, SILHFEN ETC. ETC. LEI TAWH SUH." tih thu a darh a. He thu hi darh zau zelin Dt.3.4.2020 atang khan a darh zau zual zel in mipui tam tak a ti chiai a.
He thu dik lo hi Mizoram Police ten chhui nghalin he thu chhuahna hi uluk takin chhui nghal a ni. Dt. 5.4.2020 ah khan a post hmasa ber tu (originator) chu Aizawl a cheng kum 68 mi a ni tih hriatchhuah a ni a. Amah hi thu zawhfiah a, a statement record niin he thu hi ama post tan ngei a nih thu Police hma-ah a sawi a. Covid-19 confirmed case a pun zel chuan Vairengte gate hi khar a la tul mai thei ni a thu a dawn chu ‘Vairengte gate an khar tawh dawn' tih anga thu a dawn sual a nih thu a sawi a. An kohhran Whatsapp group-a a post-na member ten nitin mamawh (essential commodities) renchem zawka an hman theih nana a hrilhlawkna chauh a nih thu sawiin, a tum loh lam thlengin a darh ta tih a sawi. A thu post hi thudik zik tluak lo leh belhchian dawl lo a nih thu pawh Dt. 6.4.2020 khan an kohhran Whatsapp group-ah a post leh tawh a ni.
He thu dik zik tluak lo leh belhchian dawl lo phuah leh thehdarh chungchangah hian Aizawl Police Station Case No. 193/2020 D1.4.4.2020 ws 188/505(1)(b) IPC R/w 54 of the Disaster Management Act 2005 siam a ni a. He thu Io thehdarhtu mi thenkhat pawh Police Station ah koh niin thu zawhfiah an ni a. He thu post tantu hi kum lama upa tawh, prominent citizen niin tlanbo mai tur chi a nih loh vangin man rih loh a ni.
Mipui rilru a dik Io zawnga hruai thei leh mipui ti chiai a thu dik tluantling lo leh thu belhchian dawl lo thehdarh hian nghawng tha lo tak a nei thei a. Mipui te i fimkhur tlang theuh ang u.
