2735/2026-2027

Aizawl, Khuangchawi Thla ni 19, 2026:

DAN PHALLOH THIL MAN A NI

1. Ni 18.10.2026 khan, Seling Outpost ten naka checking neiin, truck pahnih Registration No. MZ01 S 7962 leh MZ01 F 2697 te chu uluk takin an endik a. Lirthei pahnihah hian leitha (urea) bag 300 ve ve, a vaiin bag 600, a hlut zawng Rs.18,00,000/- vel chu hmuhchhuah a ni. Urea man te hi hma lak zui zel turin Directorate of Agriculture hnenah hlan an ni.
2. Ni 15.10.2026 khan, Khawzawl District Police-te chuan Khawzawl District, Tuisenphaiah Ashok Leyland truck (Regn. No. AS 11 GC 2884) chu endikin, dan lova phurh kuhva ro (dry areca nuts), Kg 13,600 (bag 170) chu an man. Truck leh a thilphurh te hi hma lak zui a nih theih nan Customs Preventive Force, Champhai hnenah hlan an ni.
3. Ni 14.10.2026 khan, Saitual District Police Special Team chuan Keifang, Kualmawi-ah lirthei pahnih - MZ 01 S 7526 (Tata LPT 1613) leh MZ 01 W 5542 (Ashok Leyland 1920) atangin dan lova phurh ni ngeia hriat Urea Fertilizer bag 689 an man. Fertilizer man te hi dan ang taka enfiah leh hma lak zui a nih theih nan Fertilizer Inspector, Saitual hnenah hlan a ni.
4. Ni 14.10.2026 khan, lirthei endik (random vehicle checking) neiin, Serkhan Police Outpost team-te chuan Bolero Pick-Up (AS 11FC 6320) atangin Zu (IMFL) Case 140, a hlut zawng Rs. 7,89,600 an man. Cachar District, Assam ami ve ve (1). Bebul Hussain leh (2). Babluy Hussain te chu man an ni a, Kawnpui Police Station-ah thubuai ziahluh a ni bawk.
5. Ni 12.10.2026 khan, Khawzawl District, NH-6 kama Lungvar bulah Khawzawl Police Station leh Legal Metrology Department, Champhai joint operation team-te chuan dan lova kuhva ro leh foreign cigarette phur lirthei pali (Tata MZ 01 N 6471, Tata MZ 01 G 7723, Ashok Leyland MZ 01 T 7977 leh Scorpio MZ 01 AA 9679) te chu an man. Kuhva ro man hi a vaiin Kg 44,800 (a hlut zawng Rs.1,12,00,000 vel) leh foreign cigarette (Oris Silver) hi case 71 (a hlut zawng chu Rs.24,85,000 vel) a ni.
6. Ni 12.10.206 khan Bawngkawn Police te chuan Methamphetamine ni a rinhlelh 950 grams, a hlut zawng Rs. 75,00,000/- an man a. Hemi kaihhnawihah hian hmeichhe pahnih 1) Thianrunkimi (38), Zokhawthar leh 2) Thawmliankimi (50) te chu man an ni.

Press Statement dt.19.10.2026 seizure of illegal items.pdf