No.2876/2020-2020
Aizawl, the 8th July 2020 : Inspector General of Police (Hqrs) leh Chief Public Relations Officer (CPRO), Mizoram Police Media Cell ni bawk chuan a hnuai a mi ang hian Press Statement a siam.
Dt. 7.7.2020 khan tu tih hriat lohin WhatsApp-ah thudiklo thehdarhin, Lawngtlai Quarantine Facility atangin COVID-19 positive pahnih an tlan chhuak angin a sawi a. He thudik lo hian nasa takin mipui a ti ralkhelin a ti mangang hle a ni. Hemi avang hian Lawngtlai District Task Force chuan Lawngtlai Police Station-ah FIR an thehlut a ni.
FIR dawn a nih veleh hian Lawngtlai Police chuan a rang thei ang bera chhui chiang nghalin District chhunga Quarantine Centre leh Covid Care Centre-a khunghran lai tumah chhuak an awm lo tih finfiah nghal a ni a. Hetianga thudik lo leh mi rilru tichiai thei post avang hian Chawngtlangpui khua, kum 54 mi lakah Lawngtlai Police Station Case No. 31/20 Dt. 7.7.2020 U/S 505(1)(b) IPC R/W 54 DM Act 2005 ziah luh niin, Dt. 8.7.2020 hian man nghal a ni.
A dik lo zawnga mipui rilru hruai thei leh mipui tichiai a, thudik tluantling lo leh thu belhchian dawl lo thehdarh hian nghawng tha lo tak a neih theih avangin mipuite i fimkhur ang u.
Page Links: https://dipr.mizoram.gov.in/post/mizoram-police-press-statement1594209855p
Mizoram Police Press Statement
