No.6567/2020-2021
Dt. 15.11.2020 zan khan Social Media (WhatsApp)-ah Sairang Drivers Union member inti ten Buichali, Sairang bulah motor pakhat MZ 05 A 3067 a phurh mek balu chu kawng sirah an bun luihtir lai video a darh a. He thil hi chhuizui nghal niin Sairang Police Station case number 24/20 Dt. 16.11.2020 U/s 341/427/506/34 IPC ziahluh niin uluk taka chhui nghal a ni. He thil thlenga inhnamnawih nia hriat mi 15 hriatchhuah a man tawh an ni a. Thilsual tia puhna hi bail-a chhuah theihna vek a nih avangin an vaiin bail-a chhuahtir leh nghal an ni a. Investigation atanga a lan danin he thil thlengah hian motor tihchhiat a awm lo a, MZ 05 A 3067 truck khalhtu leh a driver te hi zan dar 10:30 p.m. velah kaltir leh nghal an ni. Investigation (hnuchhui zui hna) uluk taka kalpui zel a ni ang.
Mizoram Police chuan remna leh muanna tichhe thei zawnga che lo tur leh mahni kuta dan leh thupekte kenkawh turn lo turin mipuite a ngen nawn leh a ni.
