Ni 15th August, 2016 khan Mizoram Police, Aizawl District staff-te chuan hun rei tak atanga anlo zawn tawh, computer parts ruk ching ni a rinhlelh TC Lawmkima (24) S/o TC Lalhmingliana, tuna Aizawl Veng pakhat a mi in luah a khawsa mek chu an man.

Aizawl leh a chhehvel zirna in hrang hrang a Computer leh a parts ruk tam lutuk avangin, Aizawl SP chuan a chhui bing tur Special Investigation Team a din a, computer parts rukna thlengte uluk taka chhui zui zel niin, school engemawzatah thang kamin CCTV a rukin dah a ni bawk a ni. Hetia chui mek a nih lai hian TC Lawmkima chu Sialsuk H/S a rawkna atangin man chhuah a ni ta a ni. Rukru hi Aizawl, Kolosib leh Serchhip District chhungah rukrukna vawi 32 velah hriat theih chinah inhnamhnawih ni a rin a ni a. College-7, Office-3 leh School-22 rawknaah mawhphurtu ni a hriat a ni. A thil ruk hi hriat theih chinah Computer Full Set-24, Computer Monitor-24, Hard Disk Drive-16, CPU-4 leh Mother Board-6 leh pawisa fai Rs. 8,500/- lai a ni.

TC Lawmkima chet dan hi chhui mek zel a ni a, a thil ruk hralhtawhte pawh lakkhawm mek niin, midang inhnamhnawih an awm a nih chuan dan anga hrem ve tur in hma lak zel a ni a. Hemi case kaihhnawih a computer parts lei emaw hralhna lo hria emaw, Police hnuchhuina pui thei tur thil hria kan awm anih chuan, Police Station hnai ber emaw, Aizawl Police Station-ah a rang lama hrilh turin an ngen a ni.