2185/2022-2023
Aizawl 4th October 2022: Vawiin khan Mizoram Pollution Control Board chu an Chairman thar Pu Rosiama Vanchhong (IFS Rtd.) hoa thutkhâwm hmasak ber neiin thu pawimawh tak tak an rêl. Member Secretary Pu C. Lalduhawma’n report pe-in boruak bawlhhlawh endikna tur hmun 15 lai an hmuh thar thu leh a tihlawhtling tura an buaipui mêk thu a sawi a, hman khat daih sarâng (SUP) khapna kalpui chungchângah Mizoram chu North East-ah a titha ber niin India ramah 12-na an ni a, Department kaihhnawih dangte’n tan han la deuh se India ramah pawh a titha ber an nih a beisei thu a sawi.

Board chhûng inrêlbâwlna thil pawimawh tak tak an rêl bâkah PUCC (motor khu tehna) Centre an neihsâte leh hmalâk zêl dân tur an thlir ho a, mipui remchâng siamna atân leh awlsam zâwk nân Mobile Testing System neih ni se an ti.

Meeting-ah hian Member-te an kal kim a ni.