Vawiin khan MPL Lunglei chuan an Campus MPL Multipurpose Hall-ah zirlai kal thar tur lawmna Freshers Social an hmang. Hetah hian Pu Joseph Lalhimpuia, Vice Chairman, HPC Lunglei chu khuallian a ni.

Khuallian Pu Joseph  Lalhimpuia chuan MPL chu institution pawimawh anih thu a sawi. MPL ah hian ruahtui dah khawlna tur cheng Nuai 100 man bawr vel NEC ah an dilsak mek thu a sawi. Harsatna hrang hrang an neih te chu State Sawrkarin hmalak dan tur a ngaihtuah mek a ni a ti. Zirlaite chu an zir hun chhung nuam taka an hman a taimak chhuah turin a fuih. Thuawihna chuan 100% za ah za in hna a thawk thei tih sawiin chu chu hlawhtlinna a nih thu a sawi. Midangte tan malsawmna ni turin a fuih in theihtawp chhuah a Mizoram tan a mi tangkai ni turin a fuih bawk. Chhim lam tan Technical mi nih a pawimawhzia sawiin HPC huang chhungah pawh technical mi pawimawhna leh Lunglei tan a project siam na turah pawh thil pawimawh tak anih thu a sawi bawk.

Inkhawm hi Benjamin Lalremruata Vice President, SU in a kaihruai a Engineer Zodingliana Principal in report a pe bawk. Fresher lawm luh te hi 110 an ni.