2107/2026-2027

Lawngtlai, 7th September 2026: Vawiin khan Mizoram Premier League (MPL) Lawngtlai Organising Committee - chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber--ah thutkhawm an nei.

Pu Donny Lalruatsanga chuan MPL Season-  12 Round - 10 hlawhtling takin Lawngtlaiah  neih a lo ni tawh a, MPL Lawngtlai Organising Committee - ten theihtawp an chhuahnaah  lawmthu a sawi a. Lawngtlai hmun ngeiah khelh a ni chu hmasawnna lian tal a ni tiin, inkhel entu zawng zawngte chungah lawmthu a sawi bawk a ni. MPL Season - 13, khelh tan leh mek a nih angin, Lawngtlaiah pawh khelh ve leh ngei ni se, hemi atan hian ruahmanna felfai tak a awm angai tiin, theihtawp chhuah a nih tur thu a sawi a. Lawngtlai District- in MPL Team a neih angin, Lawngtlaiah MPL Season - 13 khelh ve ngei a tul hle tiin, mipuite thahnem ngai taka lo tawiawm turin a sawm nghal bawk.

Pu C. Hrangthianga, EM LADC, i/c Sports &Youth Services leh Organising Committee Co- Chaiman - nibawk chuan MPL Season 13 thleng ve ngei  thei tura  tul  hrang hrangte sawizauna a nei a. Pu Joseph Lalhmingthanga Chinzah, Honorary Secretary, LDFA chuan MPL Season 12, Round - 10  huaihawt tawh dan leh tul dangteah report pekna a nei a ni.

Thutkhawmah hian MPL Season 13,  thleng tura ruahmanna hrang hrangte sawiho a ni a. Budget - ah cheng nuai 7 dah niin, hemi atan hian 'Fundraising' leh Sponsorship' kalpui ni se an ti a. MPL Season 12, Roind- 10 - a Department mawhphurna neite chu mawhphurhna ngai pek leh an ni bawk.

Vawiin thutkhawmah hian MPL Lawngtlai Organising Commitee Member- te an tel kim tha hle a, Pu Donny Lalruatsanga, chuan lawmthu sawiin hun a khar.