Mizoram Rahbi - 2 Micro Startup Capital Competition Launching Programme chu ni 7 December, 2017 (Thawhtanni) khan Planning Minister Pu Lalsawta’n a hmanpui.

He intihsiakna hi Mizoram sorkar economic policy duan New Economic Development Policy (NEDP)-in a hrin chhuah Entrepreneurship Development Scheme (EDS) hnuaia hmalakna hrang hrang zinga peng pawimawh tak a ni. EDS hi Chief Secretary chair-na hnuaia Mizoram State Entrepreneurship Development Monitoring Committee (MEDMOC) chuan a enkawl a, Sorkar hna ringawta innghat lova mahni kutkawih eizawnna kawng zawh thei tura mipui, a bik takin thalaite buatsaih chu he Scheme-in a tum bulpui ber a ni. EDS hnuaia Mizoram Rahbi Competition hmangin mipuite dinchhuahna tak tak chu entrepreneurship kalkawng a nih dante puan darh a, micro-enterprise project tha bik te hlawhtling tura dawmchhuah chu a tum a ni.

Mizoram Rahbi Competition-ah hian Mizorama cheng entrepreneur a duh apiang a tel theih a ni. Guidelines leh dilna Form hi a hnuaia tarlan atangte hian a lak theih a, ni 20 January, 2018 chhung hian Planning Department ah thehluh theih a ni :

1. Planning Deptt. website : planning.mizoram.gov.in/page/mizoram-rahbi-2nd-micro-startup-capital-competition

2. EDS Cell, Planning & Prog. Implementation Deptt., Opp. Raj Bhawan.

3. Entrepreneurship Knowledge Centre, ZIDCO Bldg., New Secretariat Complex.