Vawiin khan Mizoram Rifle Association (MRA) hruaituten Mizoram Governor Lt.Gen.(Rtd) M.M.Lakhera chu a pisaah hmuin an pawl Patron-in-Chief ni turin an sawm.

 

 

Governor an hmuhna-ah MRA President Pu Lalramthanga Tochhawng, AG, Mizoram chuan an pawlin hmalakna an lo nei tawh te bakah harsatna an tawh te a hrilh a. National Rifle Association-a in affiliate an duh thu sawiin Pu Ramthanga chuan hemi atan hian MRA-in vawi khat tal national level competition an buatsaih a tul a ni, a ti a. Hmanrua leh shooting practice leh competition an neih theihna hmun tur te duhthusam an neih loh chungchangah Governor chuan theihtawp lo chhuahpui a tum tur thuin a lo chhang a ni.

Mizoram Rifle Association hi 5 April, 2006 khan din tan a ni a. Mizoram State Sport Council-ah ni 14.6.2006 leh Mizoram Olympic Association-ah ni 15.5.2007 khan affiliate an ni a. Tunah hian member 50 vel an nei tawh a, chung zingah chuan national level shooters-te pawh an awm nual. MRA hian Lunglei, Serchhip leh Kolasib-ah te district association a din fel tawhin March 10-11, 2009 chhung hian Lunglei District Rifle Association huaihawtin Lunglei-ah Rifle Shooting Competition an nei dawn a ni.

Kum 2009 chhunga MRA Office Bearers te chu :
1. President        -    Pu Lalramthanga Tochhawng, IA&AS, AG, Mizoram
2. Sr. Vice-President    -    Pu Lalthuamluaia Sailo, MSS, Dy. Secy., PWD
3. Vice-President        -    Pu Lalbiakzama, MPS, SP Traffic, Aizawl
4. Vice-President        -    Pu Lalremmawia, MPS, Addl. SP Security
5. Vice-Pres        -    Pu Rosangliana
6. Gen. Secy.        -    Pu Richard Zothankima, Admn. Offcr., ADA
7. Jt. Gen. Secy.        -    Dr. Rohmingliana, M.O., H&FW Dept.
8. Secretary        -    Pu Peter Zohmangaiha, Police, DGP Office
9. Secretary        -    Pu Jonah L. Pachuau, Business
10. Secretary        -    Pu K. Ramzauva, Opthalmic Asst., H&FW
11. Treasurer        -    Pu R. Lalzamlova, Business
12.  Fin. Secretary    -    Pu K.Rochhunga, Leading Fireman, F&DM Dept.