Nimin leh vawiin hian N. Vanlaiphai Sub Division leh E. Lungdar RD Block huam chhunga mite tan The Mizoram Right to Public Services Act 2015 hnuaia mipuite hamthatna leh chanvo hrang hrang inzirtirna hun hman ani.

N. Vanlaiphaiah hian Awareness Training hi hi ni 3 September, 2018 khan N. Vanlaiphai Information Centre-ah neih a ni a. Training hi Pu Pachhunga, SDO(C) N. Vanlaiphai in a kaihruai a. Master Trainer Pu Neng Thianlal, SDC in zirtirna pe in, kalkhawmte nen zawhna leh chhanna hun tha tak an hmang. Trainingah hian N. Vanlaiphai leh a chhehvel khaw 5 - N. Vanlaiphai, Sialsir, Lungchhuan, Lungkawlh leh Bawktlang atngin sawrkar hnathawk mi 10, Village Council aiawh mi 18 leh tlawmngai pawl hrang hrang aiawh mi 22, an vaiin mi 50 an kalkhawm a. E. Lungdarah chuan Awareness Training Programme hi ni 4 September, 2018 ah BRC Hall ah neih niin, Master Trainer Pu Neng Thianlal, SDC chuan MRTPS Act 2015 hnuaia mipuite chanvo leh sawrkar hnathawkte mawhphurhna hrang hrang a sawi ani. He hunah hian E. Lungdar leh a chhehvel khaw hrang hrang atangin sawrkar hnathawkte leh Village Council memberte leh tlawmngai pawl aiawh mi 50 laiin he hun hi an hmang  ani.

The Mizopram Right to Public Services Act 2015 hnuaiah hian Department 6- RD, PHE, Social Welfare, Transport, Taxation, Finance atanga Service chi hrang hrang 46 a awm a, heng service te hi mipuiten hun bi tiam chhunga hmuh theihna chanvo an neih thu leh hun bi tiam chhunga heng service diltu hnena pek anih loh  thulha hremna awm thei te leh a kalphung chipchiar taka zir ho ani a, Training hmangtu ten hlawkthlak an ti hle.