No.6985/2020-2021

Vawiin khan Mizoram Sports Minister Pu Robert Romawia Royte chuan Mizoram Rural Bank Chairman Pu Jayachandra leh General  Manager Pu Amal Chandra Sarkar te chu a Office chamber-ah lengah sawmin Mizo thalaite zingah Boxing-a khawvela champion thei an awm nual a rinawm thu a  hrilh a. Tun hnaia professional boxing-a hlawhtlinna hmu chho mek Lalrinsanga Tlau, Khawruhlian leh NT Lalbiakkima, Siaha te chu sum leh paia puih ngai an ni tiin MRB chuan support ngei se a duh thu a lo hrilh a ni

      MRB hotute chuan a bul tan nan Boxer Lalrinsanga Tlau-in Dubaia a inhnek lehna tur atqna inbuatsaihna țanpui nan Rs 50,000/- an pek tur thu leh NT Lalbiakkima pawh a kal zelna tura țanpui nan Rs 50,000/- an pek tur thu Minister hi an hrilh a, Mizo thalaite tana a theih ang anga an CSR fund te hmang tura Minister ngenna chu theih tawp chhuah a tih hlawhtlin an tum tur thu pawh an sawi bawk a ni.

    Sports Minister hian Mizo Professional Boxers te sponsor-tu tur midang pawh a zawn sakin a tihfel sak nual tawh bakah sponsor tam zawk zawn belh zel a tum a ni.