Vawiin khan Home Minister Pu R. Lalzirliana chuan Mizoram Rural Bank Regional Office chu Dawrpui Vengthar, Aizawl-ah a hawng a. Hawnna inkhawm hi Mizoram Rural Bank Sr.Manager (Accts) Pu F.Lalhmangaiha’n a kaihruai a ni.
Khuallian Pu R.Lalzirliana chuan thusawiin Rural Bank chu Mizoramah kum 26 zet lo awm tawhin Block tam takah an inzarpharh tawh chu mipuite tan malsawmna a ni tak zet a ni, a ti. Sorkar laipuiin NREGS hmanga mipui inhlawhna a siam sakah pawh Rural Bank hi mipuiten an chhawr tangkai ber a. Sumdawnna aiin mipui rawngbawlna atan din a ni tih hre reng turin leh hun uihawmzia hretu an nih avangin bank hnathawkte chu anmahni dawrtute hun tihek lo zawnga taima tak leh rinawm taka thawk turin a chah a ni.
MRB Chairman Pu J.Thatlinga leh mi sawmte zing atangin mi engemawzatin he hunah hian thu an sawi ve a ni.
Mizoram Rural Bank hi 27 September, 1983 khan Mizoramah din tan a ni a. Govt. of India, Govt. of Mizoram leh SBI ten share thawhhoa an din a ni a, SBI hi Sponsor Bank a ni. Tunah hian Mizoram District 8, CD Block 24-ah bank branch 60 a nei a, Mizoram bank zingah branch ngah ber a ni. Tun dinhmunah hian deposit Rs.390 crores vel leh Loan Rs.200 crores vel a nei a, Net profit hi 2008-2009 chhungin cheng nuai 374 neiin kumin chhung hian cheng nuai 600 vela hlawk beisei a ni.
MRB Chairman Pu J.Thatlinga leh mi sawmte zing atangin mi engemawzatin he hunah hian thu an sawi ve a ni.
Mizoram Rural Bank hi 27 September, 1983 khan Mizoramah din tan a ni a. Govt. of India, Govt. of Mizoram leh SBI ten share thawhhoa an din a ni a, SBI hi Sponsor Bank a ni. Tunah hian Mizoram District 8, CD Block 24-ah bank branch 60 a nei a, Mizoram bank zingah branch ngah ber a ni. Tun dinhmunah hian deposit Rs.390 crores vel leh Loan Rs.200 crores vel a nei a, Net profit hi 2008-2009 chhungin cheng nuai 374 neiin kumin chhung hian cheng nuai 600 vela hlawk beisei a ni.
