1520/2025-2026

Aizawl the 19th September, 2025 : Vawiin khan Mizoram Resource Mobilization Committee (MRMC) Vice Chairman Pu Haukhuma Hauzel, IAS (Rtd) hovin Taxation Department leh Aizawl City Local Council Associationhotute te an thukhawm a, Mizoram Sawrkar in GST atanga chhiah tam zawk a lak theih nan Tax Base lian zawk neih dan tur an sawiho a ni.

Vawiin an thutkhawmna ah hian Aizawl khawpui chhunga dawrkai tam zawk ten Sawkara GST an pek theihna turin Local Council Association te nen hian thawhdun theih dan tur an ngaihtuah a. GST danah chuan sumdawngin kum khata a hralh chhuah Rs 20 lakhs a tlin chuan GST registration a nei ngei tur a ni. Hemi dan anf chuan dawrkai/ sumdawngin thla khat ah Rs 1.75 lakhs a hmuh chuan a in register ngei tur a nih lain Aizawl leh Mizoram khawlian deuh deuha sumdawng, an sum lakluh te danin a tuk thleng phasi mahse GST pek duh loh emaw chhan dang avanga in register duhlo engemaw zat awma rin a ni a, heng te hi Taxation Department leh Local Council hotute tangruala hriatchhuah theih dan tur te sawiho a ni. He thawhdunna hi puitlin theih a nih chuan tun aia tam zawk Mizoram Sawrkar hian GST a lakluh beisei a ni. MRMC in a lo rel tawh angin Taxation Department pawh thuam that mek a ni.

Mizoram Resource Mobilization Committee (MRMC) hi Mizoram Sawrkar in tax leh non-tax revenue a lak a pun theihna tura din a ni a, he Committee hian recommendation hrang hrang siam in hma a la mek a ni.

Vawiin thutkhawmna ah hian Pu Haukhuma Hauzel IAS (Rtd), Vice Chairman, MRMC, Pu CC Lalchhuangkima, Member Secretary (MRMC), Pu HK Lalhawngliana, Commissioner State Tax, Pu C.Lalbiaknunga, President, Aizawl City Local Council Association te bakah officials te an tel a ni.