Agro Farmers Society, Bilkhawthlir hnuaia kuthnathawk inziak lut te Buhfai thar/thawh chhuah chu Mizoram Sawrkar in a vawikhatna a tan Vawiin khan Bilkhawthlir khua ah a lei sak.

Agro Farmers Society, Bilkhawthlir Chairman Pu C.Lalchhuanawma chuan  FCS&CA Minister Pu K.Lalrinliana’n an harsatna te hriatthiampui in an thawh chhuah te deh ral na tur kawng a dap sak avangin lawmawm a tih thu a sawi a, Bilkhawthlir Area ah chauh pawh hian buhfai tharchhuah theihna hmun Hacter 500 bawr vel an nei a, vawikhat ah quintal 4445 vel an thar chhuak thei a, kum 1 chhungin vawi 2 an thar chhuak thei a, kum 1 ah buhfai quintal 9000 dawn tharchhuah theihna/potential an neih thu tarlangin, Kum 1 daih ei tur an mamawh chu quital 5200 bawr vel niin a bak quintal 3500 chuang chu Mizoram chhung hmun hrang hrang ah an thawnchhuah (export) theih thu a tarlang bawk. Mizote chu mahni buh thar ngei ei turin khaw hrang hrang ten Potential/theihna kan nei theuh a, hemi kawnga Mizoram Sawrkar in a vawikhat na atan an buhfai thawh chhuah te a leisak chu thil chhinchhiah tlak tak niin kuthnathawkte tan phurna leh chona nasa tak a thlen dawn a, leilet hmun tam tak dil a siam te chu buhfai thar chhuah nan let leh duh tamtak an awm a rin thu a sawi bawk ani.

Mizoram Sawrkar aiawh a kal Pu K Laldawngliana, MIZOFED Chairman chuan Sawrkar in MIZOFED kaltlangin Buhfai quintal 23 a leisak thu a sawi a, hei hi FCI rate a an leisak na ang quintal 1 ah cheng 2750 in a leisak thu a tarlang a, Buhfai chu Bilkhawthlir khua a Retailer Number 4 Pu Vanlalchhuanga’n March thla ration turin a sem dawn a, hemi retailer hnuaia awm chhungtin ten Kg thum (3) theuh tal an dawn tura ruahman a ni.