Mizoramin COVID-19 positive case a neih chungchangah thu chiang tawk lo vawrh darh a, mimal inbeihna ang hiala tawngkamte social media a vawrh darh a ni ta hi sawrkar chuan pawi a ti hle a. Mimal rikrapna leh vauna te phei chu a ngai thutak hle a, hetiang titute hi dan anga hrem theih an ni.

COVID-19 positive case chungchang Press mite hmaa puanzar a nih tumin engkim chiang takin sawi a ni a. Tuna he natna veitu hi Amsterdam atanga damlo sa a rawn haw a ni lova, fimkhur thu hla ah Mizorama Health Department a thawkte inven dan tur zawtin an thurawn ang te pawh a zawm thlap a. Screening pawh Delhi Airport leh Lengpui Airport ah  paltlang vekin dam takin alo haw thleng a ni.Rawn haw leh haw loh chungchangah Health department mite hi a rawn hran lo va, Mizoram a lo thlenin sawrkar duhdan ang thlapin ram pawn atanga haw a nih angin home quarantine a ti nghal thlap bawk a ni.

COVID-19 hi a veitu ten an vei tirhin an taksa ah engmah harsatna an tawk ngai lova, an vei atanga kar hnih hnu ah te he natna hrik hnathawh hi a hriat chauh thin a, hemi hma hi chuan test lak ngaihna a awm lova, inrinhlelh vanga test hi tih ngawt theih a ni lo a, symptoms a lan hma chu test hi tih theih a nilo a ni.

Natna tihbaiawm tak, COVID 19 do let kawngah hian sawrkar hnathawk a lu ber atanga a te ber leh tlawmngai pawlte kan tanrual em em laia tu emaw rilru tina zawnga social media-a thu kan cheh thin hi tih tawh loh nise, tih hi sawrkar duhdan a ni.