Nimin 12.4.2017 chawhnu dar 2:00 PM khan Chief Secretary’s Conference Hall-ah Mizoram Science Centre Governing Body meeting hmasa ber chu Chief Secretary Pu Lalmalsawma IAS hovin an thukhawm a. Mizoram Science Centre hi changtlung zawk leh chak zawka hma a sawn theih nan Mizoram sorkar chuan Science & Technology hnuaiah Autonomous Government Institution-ah tunhnaiah a dah a ni.
He meeting-ah hian Science Centre-a thawktute chungchang te, Annual Budget te leh hmasawnna tura hmalak mek zel dan turte ngaihtuah a ni a. Lungleia Digital Planetarium neih tura hmalak mek chu Science Centre ni thei tura hmalak nise, tih leh a tahtawlin Champhai leh Kolosib-ah te pawh Science Centre neih dan kawng dap nise, tih te an sawiho bawk.
Tuna Mizoram Science Centre a sak mek Innovation Hub leh Space Exposition Theatre pawh peih thuai tura hmalak a nih thu Chief Scientific Officer & Member Secretary, Dr. R.K. Lallianthanga’n meeting ah hian a report bawk.
He meeting ah hian Dr. C. Vanlalramsanga, Secretary, Planning Department; Pu Benjamina, Commissioner & Secretary, H & TE Department; Pu V. Lalremthanga, Secretary, Tourism Department; Pu P. Lalchhuanga, Secretary, School Education Department; Pu Sawihlira, Addl. Secretary, Finance Department leh Pu C. Lalhuliana, Dy. Secretary, Art & Culture Department te an tel a ni.
