The Mizoram Shops & Establishment Rules, 2011 chu Mizoram-ah pawh a taka hman a lo ni ve dawn ta a. Vawiin khan Pu Lalrinliana Sailo, Minister, Labour, Employment & Industrial Training chuan Directorate of Labour, Employment & Industrial Training Office-ah he rules hnuaia registration hmasa ber a tihsak ta a. He rules hman a nih takah chuan Mizoram chhunga Dawr zawng zawng leh hlawhfa ruaia hnathawhna hmun zawng zawngte chu in-register vek tur a ni a. Registration fee hi Dawr a len leh tet a zir leh hlawhfa an rawih tarn leh tarn loh a zirin a in ang dawn lova. He mi rual hian registration a fel veleh ‘License’ pek nghal zel an ni ang.

Tin, he mi rual hian The Mizoram Building & Other Construction Workers Welfare Board chuan he welfare fund a member tur hi chak takin a zawng mek a. Aizawl chhehvela Lung lakna hrang hrang leh Sairang Balu laknaah te pawh campaign hi neih a ni tawh a. May thla chhung hian Welfare Fund member tur hi mi 200 tal hmuh an in beisei a ni.