Mizoram sorkar Parliamentary Secretary Pu S. Laldingliana chuan YMA hruaitu a nih ve hun lai atanga tawha a lo vei thin chhim bial hmasawnna tura ruahmana hrang hrangte chu tun Mizoram sorkar hian ngai pawimawh in a dah lansarh zingah an tel a ni a ti. Mizoram sorkar-in chhim bial hmasawnna tura hmachhawp hrang hrang a neihte chu hrethiama lawmna chang hre turin YMA Sub-Hqrs. thalaite chu a sawm a ni.
YMA Sub- Headquarters General Conference March 3 zana Darzo khuaa a hmanpuina ah he thu hi sawiin Pu Laldingliana chuan Border Trade leh chhim bial tana Airport siamna tur sorkar hmalakna chak tak a kal mek dan a sawi a. Bangladesh leh Mizoram insumdawn tawnna tur Kawrpuichhuah - Thegamukh din chungchang pawh Political Level-ah tih fel ni tawhin hei hi tun hnaia Trade & Commerce Minister hova bangladesh an zuk kal naah khan sawilan a ni a ti a. Chhim bial khaw hrang hrang hmasawnna tur ruahman mek te chu enchiana lawmna tur hlir a nih thu a sawi chhuak bawk.
He conference-ah hian Parliamentary Secretary chuan YMA nih phung, pawl ropui leh pawl ropui tak anih dan tarlangin YMA member-te chu Biak In leh a chhehvela an chettlat leh YMA anga an chettlatna te chu thil intiat reng anih hre nawn turin a chah a. Kristian ram ni si zuk leh hmuam avanga cancer vei tamna hmun leh HIV/ADIS darhzauna state anih avangte hian mahni nunah fimkhur turin thalai pungkhawmte chu a fuih bawk.
Sub-Hqrs. YMA hnuaiah hian Group 15 leh Branch 168 awmin tun tum conference-ah hian palai an kal tha hle a, thu pawimawh tak tak engemaw zat an rel bakah hruaitu thar an thlang bawk.
He conference-ah hian Parliamentary Secretary chuan YMA nih phung, pawl ropui leh pawl ropui tak anih dan tarlangin YMA member-te chu Biak In leh a chhehvela an chettlat leh YMA anga an chettlatna te chu thil intiat reng anih hre nawn turin a chah a. Kristian ram ni si zuk leh hmuam avanga cancer vei tamna hmun leh HIV/ADIS darhzauna state anih avangte hian mahni nunah fimkhur turin thalai pungkhawmte chu a fuih bawk.
Sub-Hqrs. YMA hnuaiah hian Group 15 leh Branch 168 awmin tun tum conference-ah hian palai an kal tha hle a, thu pawimawh tak tak engemaw zat an rel bakah hruaitu thar an thlang bawk.
