No.3276/2019-2020

Aizawl the 25th March 2020 : Health Minister hoa din 'Core Committee on Setting up of Covid-19 Testing Laboratory in Mizoram' chuan nimin khan Health Secretary Room-ah meeting an nei a, chawhnu lamah ZMC Falkawn tlawhin DTC building a Covid-19 Testing Laboratory din theih dan tur an en fiah.

ZMC DTC Building a TB Laboratory room tura cheibawl mek chu Covid-19 Testing Laboratory atan hman ni rih mai se an ti a, Indian Council of Medical Research(ICMR) lam berawn chungin he Laboratory room hi changtlung zawk, ICMR duh dana Biosafety Level-3 a siam nise tih an rel.
He Laboratory atana hmanraw tul hrang hrangte lak khawm dan ngaihtuah nise an ti bawk. ICMR atanga Covid-19 Testing laboratory din phalna nei tura theihtawpa hmalak nise, Covid-19 Testing Laboratory atan mithiam Technician training tur intirh dan ngaihtuah nise an ti bawk.

He Core committee meeting ah hian MLA 3 - Prof. F.Lalnunmawia, Dr. K.Pachhunga, Dr. Vanlalthlana te, Health Secretary Pu H.Lalengmawia leh Dr. T.Lalhmangaihi ZMC Director, Dr. Eric Zomawia Mission Director NHM, Prof. T.K. Dutta, HoD, Deptt. of Vety Microbiology, CV&AH, Dr. Vanramliana, Asst. Professor, Deptt. of Zoology, PUC, Dr. Lalrempuii, Microbiologist, CHA, Dr. Gracy Laldinmawii, Microbiologist, ZMC, Pi Christine Sailo, Microbiologist, MZU te an tel a ni.