DP & AR Minister Pu H.Liansailova chuan Mizoram sawrkar khawl pawimawh lai ber chelhtute chu Secretariat Service ami te hi an ni a ti.
Vawiin Mizoram Secretariat Service Association General Assembly vawi 6-na, Tourist Lodge, Chaltlang-a hawnna thu sawiin Minister chuan Secretariat a thawktute chu an hnathawh nghakhlel taka lo thlir mipui engemaw zat an awm thin a ni tiin mahni hna pending leh chawlhsan mai mai lo turin a fuih a. Hlemhletna do kawngah pawh Civil Secretariat ami te chu a ki pawimawh ber an ni a, ram leh hnam damna hnukpui chelhtu an ni tih inhre turin a chah. Sawrkar policy tipuitling tu, sawrkar dinglai ruahmanna tipuitling tur pawhin anmahni inenfiah fo turin a sawm a ni. Transfer leh Posting chungchangah pawh harsatna chhuanlam siam lova thuawih taka kal mai tur an nih thu sawiin sawrkar hnathawk dang zawng zawngte tan entawntlak nise a duh thu Pu Liansailova hian a sawilang a ni.
Vawiin MSSA Gen. Conference hi an Vice President Pu T.Sangkunga’n a kaihruai a, sawrkara an thu thehluh bawhzui dan chungchang te, an pawl inrelbawl dan hrang hrangte ngaihtuahin ro an rel a, hruaitu thar an thlang nghal bawk. MSSA ah hian member 230 chuang awmin kum khat danah General Conference an nei thin a, tun tum hi vawi 6 an neihna a ni.
Vawiin MSSA Gen. Conference hi an Vice President Pu T.Sangkunga’n a kaihruai a, sawrkara an thu thehluh bawhzui dan chungchang te, an pawl inrelbawl dan hrang hrangte ngaihtuahin ro an rel a, hruaitu thar an thlang nghal bawk. MSSA ah hian member 230 chuang awmin kum khat danah General Conference an nei thin a, tun tum hi vawi 6 an neihna a ni.
