2164/2025-2026

Tun hnaiah Nidhi Creative Infrastructure Pvt. Ltd. Mizoram Sorkarin duhsak bikin, contract hna tam tak a pe angin social media ah mi thenkhatin an tarlang a, hei hi thudik tawk Io a ni a, thudik chu hetiang zawk hi a ni e:

Sorkar hmasa chhung (2019 - 2023) khan Nidhi Creative Infrastructure Pvt. Ltd. hian hna cheng vaibelchhe za sawmsarih panga leh nuai sawmkua pakua (Rs. 175.99 crore) man an Io thawk tawh a. Tun sorkar hnuaiah hian cheng vaibelchhe sawmthum pakhat leh nuai sawmnga pakhat (Rs. 31.51 crore) man an thawk leh tawh bawk a. Heng hnate hi Mizoram sorkar pek an ni Io va, Ministry of Road Transport and Highways-in e- tender hmanga a pek te vek an ni. Mizoram sorkarin mawhphurhna a nei Io.

Tun Ministry hnuaiah hian Nidhi Creative Infrastructure Pvt. Ltd. te hi Aizawl khawpui chhung kawng Resurfacing hna leh State Emergency Operation Centre hna, a vaiin cheng vaibelchhe sawmnga pasarih leh nuai sawmkua pasarih (Rs. 57.97 crore). man pek an ni a. Heng hnate hi hna hmanhmawhthlak, contractor nazawng thawh theih loh leh Machinery hranpa ngai a nih avanga pek an ni.

Hnathawh thalo report kan dawn te reng reng hi umzui nghal zel a ni a. Hna thawh mek, la thawh zawh loh te a thia te la a, hna thawh zawh tawh anga Media-a tarlan a ni thin erawh hi chu a pawi hie. Thu belhchian dawlte erawh chu umzui nghal zel turin PWD hi a inpeih reng a. Kawng tha leh tlo zawk nei turin theihtawp a chhuah mek reng a. Mipuite thurawn dawng tur pawhin a inhawng reng a ni.

Issued by Mizoram Public Works Department