3887/2023-2024

19th February, 2024 : Union Sports Minister Pu Anurag Singh Thakur ruahman angin vawiin tlai khan Mizoram Sports Minister Pu Lalnghinglova Hmar chuan Assam Governor Gulab Chand Kataria a kawm.

Pu Lalnghinglova Hmar hi Khelo India University Games hawnna Guwahati-a neih hmang turin vawiin khan a kal a, hetah hian Union Sports Minister ruahman angin India hmarchhaka Sports Minister hrang hrangte nen inkawmna hun an nei nghal a, hmarchhaka Sports hmasawnna tur an sawiho.

Hmarchhak Sports Minister-te an inkawm zawhah Pu Anurag Thakur hian Assam Larsap a hmuhnaa tel ve tura a sawm angin Mizoram Sports Minister hi a tel.

Union Sports Minister nen an inkawmnaah Lalnghinglova Hmar hian Mizoramin sports hmasawnna tura an mamawhte a thlen a, India hmarchhaka awm sum leh paia harsatna nei an nih avangin State Budget pawn lama a theih anga pui turin a ngen a, Union Sports Minister chuan hengte hi a bawhzui tur thu a sawi.

Union Sports Minister chuan Mizorama Budget Session ṭan ni-a Khelo India University Games ngai pawimawha a kal avangin Mizoram Sports Minister hnenah lawmthu a sawi.