DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/mizoram-state-commission-for-protection-of-child-rights-chuan-h-ramdinpuii-tual-thih-chungchangah-thuchhuah-siamp

Mizoram State Commission for Protection of Child Rights chuan H. Ramdinpuii tual thih chungchangah thuchhuah siam

1698/2026-2027

Dated Aizawl, the 7^th August, 2026 : H. Ramdinpuii (15) d/o H.Lalawmpuia, Mualthuam North, Lunglei District, August ni 3, 2026 atanga chin hriat loha awm, August ni 5, 2026 a lainatawm taka sawisak ni ngeia hriata a ruang hmuh a ni ta mai hi Mizoram State Commission for Protection of Child Rights (MSCPCR) chuan pawi a tiin, hetiang thil rapthlak ♦ tak naupang chunga a thleng hi a dem takzet a ni.

Mizoram State Commission for Protection of Child Rights (MSCPCR) chuan he tualthihnaa pawikhawihtu hi a rang thei ang bera man chhuah a, dan anga a chungthu rel anih theih nan theihtawpin a vil zui zel dawn a ni.

Chutihrualin, naupang chunga hleilenna thleng chungchang puanzar leh thehdarh kawngah hian, danin naupang / kum tlinglo te a humhalh nasat avangin, mipuite fimkhur lehzual turin MSCPCR chuan a ngen tak meuh a ni.