1632/2022-2023
Aizawl 17th August 2022: Mizoram State Election Commission chuan a hnuaia mi ang hian ni 11th August, 2022 khan Notification a chhuah a ni:

No.B.12014/1/2020-SEC/VC/MADC/Vol-l/14: Mara Autonomous District Council huam chhunga khaw 8(pariat) New Colony-IV, Lobo-I, College Vaih-lIl, lana-ll, New Colony-V, New Siaha West-II, Siaha Vaihpi Bazar leh Supha khua te a Village Councils By-Election ni 6th September. 2022 (Thawhlehni) a neih turah hian vote inthlaksak emaw vote thlak nawn emaw a awm lohna’n State Election Commission chuan Rule 3 leh Rule 56 of the Mara Autonomous District Council (Election to Village Councils) Rules, 2014 in thuneihna a pek angin voter zawng zawngte chu a hnuaia Document tarlan te engemaw ber hmang hian Presiding Officer/Polling Officer hmaah an nihna tichiang turin a phutin a hriattir a ni.

DOCUMENT HMAN THEIH TE
(i) Electors Photo Identity Card (EPIC), ECI in a tihchhuah;
(ii) Passport/Aadhaar Card;
(iii) Driving License;
(iv) Income Tax Identity (PAN) Card:
(v) State/Central Government, Public Sector Undertakings, Local Bodies emaw Public Limited Company- te’n an hnuaia hnathawkte hnena an pek chhuah thin Service Identity Card;
(vi) Heng Public Sector Banks /Post Office atanga lak chhuah Passbook leh Kisan Passbook;
(vii) Property Documents heng Patta, Registered Deeds, etc. thlalak chuanna;
(viii) Thuneitu ruat bikte hnen atanga lakchhuah SC/ST/OBC Certificate leh Residential Certificate;
(ix) Freedom Fighter Identity Card;
(x) Pension Documents, heng Ex-servicemen’s Pension Book/Pension Payment Order, Ex-servicemen’s Widow/ Dependent Certificate, Old Age Pension Order, Widow Pension Order;
(xi) Pianphunga rualbanlo te hnena Certificate pek, thlalak chuang, thuneitu ruat bikte hnen atanga lak chhuah;
(xii) Arms License;
(xiii) MNREGA hnuaia tihchhuah thlalak chuanna Job Card:
(xiv) Head of Institution-in a tihchhuah Student’s Identity Card;
(xv) Health Insurance Scheme Smart Card;

Heng document-te hmang lova vote thlaktir an awma vote inthlaksak leh thil dik lo hmuh chhuah a nih chuan Polling Official-ten mawh an phurang.