Mizoram State Election Commission chuan Aizawl Municipal Council inthlan chungchangah a hnuai a mi ang hian thuchhuah a siam Zoram Thlirtu Nitin Chanchinbu August ni 12, 2010 issue-ah khan 'October 21, 2010-ah Municipal Council inthlan neih a ni dawn' tih thupui a hmangin Mizoram State Election Commission-in thuchhuah siam a October 21, 2010  zing dar 7 atanga tlai dar 4 inkar chhungin Aizawl Municipal Council Election neih a nih tur thu chhuah angin ziak a ni a. Chu mai bakah inthlan puan hun tur te, Notification chhuah hun tur te leh candidate-te hming pekluh hun leh inhnuhdawh hun tur te chenin ziak a ni. He thudik lo hi Women reserve seat thumvawrna tur chungchang State Election Commission Press Note tih chhuah nen mar takin Zoram Thlirtu Chanchinbu hian a ziah zawm a. A hrelo tan chuan thu diklo a ni tih han hriat chhuah hleih theih loh khawp a mamin a thil hriat leh State Election Commission-in Press Note a siam chu lak mar a ni a, a pawi khawp mai.
Inthlan ni tur emaw Election Schedule emaw hi State Election Commission-in a la ti chhuak lova, chuvangin Zoram Thlirtu Nitin Chanchinbu August 12, 2010-a Election ni tur tarlan kha thu belhchian dawl lo a ni tih chhiartu zawng zawng ten lo hriat a tha ang. Tin, tun hnuah Election Schedule leh inthlan ni tur hi State Election Commission puan tur a nih avangin rin thu a Chanchinbu engmahin chhuah lo turin kan in ngenin kan in hriattir duh bawk a ni.