Mizoram State Games Committee sang ber State Level Implementing & Monitoring Committee (SLIMC) thukhawmin Mizoram State Games 2019 atan MLA Constituency tinah bialtu MLA kaihhruaina hnuaia Constituency Level Committee din nise tia ruahmanna a lo siam tawh bawhzuiin vawiin khan Aizawl East-I constituency chuan an bialtu MLA, Chief Minister Pu Zoramthanga hovin CM Conference Hall ah an thukhawm.

SLIMC chuan MLA Constituency 40 ten recognized Sports Association 32 hnuaia Sports discipline 40 chunagah State Games a inelna nei tura relin, Constituency Level Committee tinah MLA theuh te chu Chairman an nih tur thu a rel a. Vawiin Chief Minister Pu Zoramthanga hova thutkhawmah hian Aizawl East-I huamchhunga veng tin Village Council/ Local Council leh YMA branch aiawhte an kalkhawm a. Constituency Level Committee Vice Chairman atan Pu PC Thlamuanpuia, Secretary atan Pu C. Lalrinnnunga leh Treasurer atan Pu Zorammuana te ni se tiin a rel a. Veng tin aiawh turin committee member ruat an ni bawk.

Mizoram State Games hi December ni 9-13, 2019 chhunga neih tura ruahman a ni a. MSSC hnuaia Sports Association 32 hnuaia sports discipline hrang hrangah contituency-wise a inelna neih tum a ni.