Vawiin khan Mizoram State Health Society Executive Committee Meeting chu an Chairman Pu Lalhmingthanga IAS, Secretary Health & Family Welfare hovin Secretariat Conference Hall-ah neih a ni.

He meeting hi Secretary Pu Lalhmingthanga, IAS, H&FW Secretary ni bawkin kaihruaiin Introductory Speech a nei a, hunbi dik taka Executive Meeting neih a ni thin chu lawmawm a tih thu a sawi a. Health Care Programme hrang hrang te harsatna sutkian a nih theih nana theih tawpa thawkho tlang turin member te a fuih a. Sum lama harsatna an tawh thinte sutkian a nih theih nana theihtawp chhuahpuitu Mizoram Finance leh Planning Department hotute chungah lawmthu a sawi bawk. Dr. K.Lalbiakzuala, Mission Director, NHM chuan Executive Committee Meeting hmasa lama an thu lo rel tawh hmalakna te a sawifiah a. Dr. K.Ropari, Principal Director pawhin Health Worker hnathawh dan tur chungchanga hmalakna kalpui mek dan te a sawi bakah RCH, IDSP, Immunisation leh Programme dang dang atanga an hmalakna leh dinhmun report hrang hrang ngaihthlak a ni bawk.

He meeting-ah hian Health Worker te hnathawh dan tur (guide-book) thar chungchang sawihona neih a ni a. He hmalakna thar atan hian State Level Training of Trainers chu 28th July 2015 khan neih a lo ni tawh a ni. District Level-ah pawh he training hi neih leh tur niin training hi neih zawh a nih hunah Principal Director in Health Worker hnathawh dan tur kalphung thar (Guidebook thar) hi order a ti chhuak dawn a ni.

Hengte bakah hian Replicable Practices from Shimla Summit :- Panchayati Raj Institution ; Birth Companion Programme ; Birth Preparedness and ; Parental Education Programme ; Public Help Desk ; Patient Feedback Mechanism.

Public Health Cadre te chu sawiho atana chhawpchhuah a ni a. District Hospital bakah thingtlang leh hmun chengker zawka Specialist te tana Incentives siam dan tur chungchangte pawh sawiho a ni bawk.

Mizoram State Health Society hnuaiah hian State Programme Management Unit a awm a. Hemi hnuaiah hian District Programme Management Support Unit awm lehin hemi hnuaiah hian National Diseases Control Programme hra ng hrang te, RCH leh a hnuaia Unit hrang hrang te leh Mission Flexypool hnuaia unit hrang hrangte a awm leh a. Heng hi Mizoram State Health Society hian a khaikhawm vek a ni.