Vawiin khan State Higher Education Council (SHEC) Special Meeting I& PR Conference Hall-ah Pu R.Romawia Minister i/c Higher & Technical Education leh SHEC Chairman ni bawk hovin neih a ni.

Kum 2015-2016 Financial Year chhunga RUSA Project sum hmanna Audit Report leh hmalakna te vawiin meeting-ah hian thlir ho a ni in Audit Observation hrang hrangte uluk taka sawi hovin RUSA sum hmanna leh, account vawn dan chungchanga hmasawnna tur te sawiho a ni a. Central Sawrkar Ministry of Human Resource Development (MHRD), Higher Education Department atangin RUSA Manual of Financial Management mumal tih chhuah ala nih loh avangin sum leh pai enkawlna mumal zawka a kal theih nan RUSA Financial Regulation 2015 State Project Directorate in a lo duan (draft) chu uluk taka sawi ho hnuin peih fel thuai tum a ni.

RUSA hnuaia fund dawng tur hian NAAC (National Assessment and Accreditation Council) Accreditation neih chu tihmakmawh(Mandatory) a ni a.Chumi atan chuan College zawng zawng accreditation nei tura hma la turin hriattir tawh thin an ni a.College NAAC accreditation la nei lo te leh Accreditation neih tawh mahse kum 5 ral tawh nung(valid) tawh lo ten accreditation nei tura hma an lak mek laiin, College thenkhat hma la mumal lo an awm thu sawi lan a ni a, hma la thuai tura hriattir nawn leh ni se tiin rel a ni bawk.

RUSA Project leh Higher & Technical Education hma sawnna tur hrang hrangte sawiho a nih hnuah SHEC Vice- Chairman Pu H. Zothangliana, Parliamentary Secretary, i/c Higher & Tchnical Education in lawmthu sawi in meeting hi tihtawp a ni.