Mizoram State Law Commission chu an Chairman Pu R Lalrinawma hovin vawiin chawhnu khan an thukhawm a, Motor Insurance chungchangah a hnuaia mi ang hian thu an rel a ni.
1. Tunlai hian Insurance Company tam tak Motor Register thar tur te hnenah Comprehensive Policy First Party Insurance tia hriat lar an lo phut thin tih hriat a ni a. He Policy-ah hian pawisa chawi tur a sang bik hle a, chutih laiin pawisa tlem te a insure theihna Third Party Insurance a awm reng si a, heti chunga First Party Insurance phut kher hi mipuite Dikna leh Chanvo rahbeh a ni a.The Motor Vehicles Act, 1988 Section 146 bawhchhiatna a ni bawk a, hei hi thil pawi tak a ni.Vawiina Law Commission meeting chuan a duh apiang tan tlawm zawka insure na Third Party Policy in an motor lei thar te an insure thei a, Insurance Company-in an lo dang thei lo tih mipui te a hriattir nghal a ni. Chutiang tiduh lo Insurance Company te lakah Dan anga Action la turin Concern Department-te hriattir nise a ti. Tin, hetih rual hian accident tawh palha an passenger ten compensation an dawn theih nan passenger premium pe tel nghal turin Motor Insure thar apiang a hriattir nghal a ni.
2. Section 144 Cr. P.C. hnuaia D.C. te'n order an chhuah thin mumal zawka kalpui theih nan ruahmanna siam a ni.
Heng bakah hian thil tul dangte an rel bawk.
Attachment
- Loading attachment...
