1776/2025-2026

Aizawl, 21.08.2025: Mizoram State Policy Coordination Committee (MSPCC) chu vawiin khan an Vice Chairman Dr. KC Lalmalsawmzauva kaihhruaiin P&PI Department Meeting Hall-ah thukhawm in Bana Kaih Scheme Phase-I hnuaia dilna lut thenkhat enho leh thu pawimawh dangte rel a ni.

Vawiin meeting-ah hian Bana Kaih Scheme loan component hnuaia department pathum - Agriculture Department, Fisheries Department leh Land Resources, Soil and Water Conservation Department hnena dilna lut enho a ni a. Heng department pathumah hian vawiina dilna enho bak chu clear vek a ni tawh a ni. Loan component bakah hian MSPCC member-te chuan Phase-II atana inpuahchahna te sawi hovin, inhrilhriat leh inzirtirna lam uar zawka kalpui tha an ti a ni.

Vawiin meeting-ah hian MSPCC member-te leh  Agriculture Department, Fisheries Department leh Land Resources, Soil and Water Conservation Department  atangin aiawhte an tel a ni.