4226/2025-2026

Dated Aizawl, the 30th January, 2026: Nimin, January ni 29, 2026 khan Mizoram State Project Monitoring Committee Inspecting Team chuan Er. Lalthanzuala Ralte, Secretary MSPMC hovin Improvement of Road from Ainawn to Tuithum hnathawh mek chu a endik a. He project hi SASCI 2024-2025 scheme hnuaia thawh, 4.682 Km a thui, Rs 18.51 crore senga thawh a ni a, hna hi 30% thawh tawh a ni.

MSPMC Inspecting Team te chuan he’ng hnathawh kal mekte hi a hmunah chik leh uluk takin an endik a. Hnathawh kal lai ti bahlah thei harsatna hrang hrangte a hmunah enin a sutkian dan tur rawtnate sawi a ni bawk. MSPMC Inspecting Team-te hi Nodal Department, Executing Department hotute, contractor te leh a project awmna area Ainawn leh Luangmual Local Council te’n an tawiawm a. He Aizawl tlak lam kawng pawimawh tak hnathawh kal mek hi a hun taka zawh a nih a, quality tha taka zawh a nih ngei theih dan tur hrang hrangte sawi hona Pre-visit & Post-visit Discussion hun hman a ni bawk. Sawrkar leh mipui duh dan ang ngeia hna hi thawh zawh thuai a nih theih nan chak leh zuala kalpui tum a ni.

Secrertary, MSPMC hi MSPMC Member Prof. Laldinpuia, Dr. H. Laldintluanga, Rev. Dr. Lalhmangaiha, Pi Lalremsangi Fanai te bakah Pu Vannunmawia, PS to Vice Chairman, Pi Vanchhungi (Task Force) leh Er. Remlalmuanpuia, PA to Vice Chairman te’n an tawiawm a ni.