364/2024-2025 

Dated Aizawl, the 25th April, 2024: Vawiin khan Mizoram sawrkar hnuaia development works hrang hrang endik tura din, Mizoram State Project Monitoring Committee (MSPMC) chuan an Vice-Chairman, Pu R. Lal Rinawma, IRS (rtd) kaihhruaiin Maumual a ‘Construction of Brick Wall Boundary Fencing (Block-1&2) at Protective Home’ hmalakna kal mek chu a hmunah endikna an nei.

Vice Chairman, Pu R. Lal Rinawma chuan Social Welfare & Rehabilitation Centre hmunhma hungna tur atana sak - Brick wall boundary fencing hmalakna kal mek leh zawh fel tawhte chu endikna neiin an hmalakna zawh fel tawhte chu fakawm a tih thu a sawi a. Hmalakna hmachhawp pawh tha taka kalpui zel anih theih ngei a beisei thu a sawi bawk.

He Project hi Article 275, Centrally Sponsored Scheme hmanga fund niin, Social Welfare & Rehabilitation Department enkawlna hnuaia awm a ni a. Tun dinhmunah hian Phase-1 funding hmanga hmalakna chu zawh fel tawh niin Phase 2 hi chhunzawm leh tura ruahman a ni. Technical personnel hi 5 awmin he endikna hunah hian Er. Lalthankima, AE leh Er. Joseph Vanlalruata, JE te an tel ve a ni.

Mizoram State Project Monitoring Committee (MSPMC) hi Team thum – A, B leh C a then niin he hunah hian ‘Team C’ members – Er. Vanlalhruaia, MZU; Prof. Chawngsailova, MCU; Er. Lalrinawma, MNF leh Pu Samuel Zoramthanpuia, MSU ten Vice-Chairman hi an tawiawm a. MSPMC Secretary Er. Vanlalruata Sailo leh Dr. Lalrinchhana, Principal Adviser, Planning &Programme Implementation mai bakah Chanmari West Local Council Chairman, Pu PC Lalawmawia ten an tawiawm tel bawk a ni.