3126/2024-2025

Dated Serchhip, the 21^st November, 2024: Vawiin khan Mizoram State Project Monitoring Committee (MSPMC) Vice Chairman Pu R. Lal Rinawma kaihhruaiin Thenzawla Sangha Pui dahkhawmna leh siam chhuahna hnathawh an endik a, Sangha dahna tur dil hrang hrang, Rearing tank leh Nursery tank siam te bakah building sak thar te chu a hmunah uluk takin an endik a ni.

Endikna neih zawh hnu hian Staff Guest house ah thukhawmin, hnathawh tha tawklo lai an hmuh te an sawi a. MSPMC Vice Chairman chuan Sanghaa kan intodelh nan hmachhawp lian tak an nei tih Fisheries Department hotute chu a hrilh a.Thahnemngai tak leh tih takzeta thawk tur leh a hlawhtlin ngei theihna tura hma la turin a chah a. Brood Banks a lo hlawhtlina, a kal leh zelna tur atan visionary plan tha an neih a pawimawh tih a sawi a ni.

Fisheries Department Joint Director Pi Zonuntluangi chuan Mizoram State Project Monitiring Committee in Brood Banks a hmuna rawn tlawh a, an hmalak leh zelna tur thurawn tha tak tak an pe chu lawmawm a tih thu sawiin, an thurawn pek te chu theihtawpa an bawhzui tur thu a sawi a ni.

He hun ah hian MSPMC Secretary Er. Lalthanzuala Ralte, MSPMC Member Prof. Chawngsailova leh Er. Vanlalhruaia; MSPMC Task Force Member Pi Vanchhungi leh PS to Vice Chairman Pu Vannunmawia te an tel a. Fisheries Department atangin Joint Director Pi Zonuntluangi leh thawktu dangte bakah Thenzawl East VC aiawhte leh chanchinbu mite an tel bawk a ni.