2043/2024-2025

Dated Aizawl, the 13th September, 2024: Vawiin khan Chief Minister Pu Lalduhoma hovin CM Conference Hall-ah Mizoram State Project Monitoring Committee te chuan member pum huap thutkhawm tum thumna an nei a. An hmalak tawh chin te an thlirlet.

Chairman Pu Lalduhoma chuan, hun reilote chhunga hmalakna engemawzat an kalpui hman avangin Project Monitoring Committee te chungah lawmthu a sawi a. An hnathawhte chuan rah tha a chhuah ngei dawn tih a tarlang.

Member thar te an awm avangin inhmelhriatna hun an nei a, chumi zawhah Member Secretary thar Er. Lalthanzuala Ralte chuan project an endik 25 te report a pe a. Heng project tina thil fel lo nia an hriat an hmuhchhuah leh rawtna an theh luhte chu an sawiho nghal zel a. Hmalak zui dan tur thutlukna an siam a ni.

Meeting-ah hian Pu R. Lalrinawma, Vice Chairman leh member dangte an kal tha hle a ni.