80/2025-2026

Saitual, the 8th April, 2025: Vawiin chawhma khan Mizoram State Project Monitoring Committee (MSPMC) Vice Chairman, Pu R. Lal Rinawma chuan khum 50 awm thei tura ruahman Saitual District Hospital Complex sakna hmunhma a enfiah a, Dr. V. Lalremruata, Dy. CMO chuan a lo dawng sawng.  

He hunah hian 50 bedded District Hospital Complex Saitual-a sak tur chungchangah Contract Agreement anga a hun taka sak a nih theih loh chhan te sawiho niin, harsatna sut kian dan tur te ngaihtuahho a ni bawk.  

Saitual District Hospital Complex-ah hian quarter pathum- Type-III Quarters (3 units, 1 block), Type-IV Quarters (2 units, 1 block) leh Type-V Quarters (1 unit, 1 block) sak mek a ni a. Main Hospital Building hi Joint VC leh sawrkar department te atanga a hmun lai rem hmasa tura ngenna a awm avangin hnathawh lai hi thla 10 chuang chu khaihlak tawhin, hna kal lai hi chawlhsan rih a ni.

Vawiinah hian Pu R. Lal Rinawma, Vice Chairman, MSPMC chu Er. Lalthanzuala Ralte, Secretary, MSPMC bakah MSPMC member ten an tawiawm a, MSPMC te chuan Khawzawl leh Champhai an tlawh leh dawn a ni. Hospital hmunhma endiknaah hian MSPMC hotute leh member te bakah Dr. V. Lalremruata, Dy. CMO, Dr. Zothanpari Chhakchhuak Sr. MO leh Pi F. Zodingpuii, DIPRO te an tel a ni.